Skadukant van die Kersseisoen

So te midde van die uitspatigge plesierigheid rondom Kersfees en die feesseisoen heers daar ook ‘n gevoel van afskeid en verlange, so ‘n druppel hartseer in die tumbler met die cheap sjampanje. Ek en Vroukie sit gisteraand in die koel aandlug met ‘n glasie wyn en besin oor al die mooi dinge wat gedurende die jaar met ons gebeur het, dinge waarvoor ons baie dankbaar is. Dit word alles omfloers deur die hartseer van my ma se afsterwe in April hierdie jaar. Sy was gewoon te oud en te swak om die trauma van ‘n heupvervanging operasie na ‘n fraktuur te oorwin, en na drie weke van veg om die lewe te behou het sy laat gaan. Dis die weg van die natuur, die dood is deel van die lewe, dit was onafwendbaar. Tog voel mens soms op onverwagte oomblikke die hartseer weer opwel, instinktief kom dit nog by op om haar gou te bel, of ek sien ‘n ou tante in die mall wat my onverklaarbaar aan haar laat dink, veral die tyd van die jaar wanneer haar huis altyd oop was vir die alleenmense, dikwels mense wat sy beswaarlik geken het wat saam met ons aan die Kerstafel kom aansit het. Met so ‘n flou glimlag dink en aan Ant Mollie, wat nadat sy vir die saamkuier genooi is, eers haar tanne moes gaan haal. ‘n Ander gas was Max du Preez, die nimlike hy, wat ‘n paar vakansies saam met my as laaimeester in Kroonstad op die SAS en H gewerk het vir ‘n sakgeldjie. Die spesifieke Kersfees was sy ouers weg met vakansie en hy het in die Spoorweg hostel gebly, nie ver van ons huis nie.

By haar het ek die ware betekenis van Christenskap en medemenslike liefde geleer, om nie net jou geldelike bydrae te gee en dan basta, nou is ek klaar met julle nie, maar om van haar self te gee, haar tyd, haar huis en haard.

Kersdag sal jou plek aan die tafel leeg wees, maar in ons harte nooit.

3 thoughts on “Skadukant van die Kersseisoen”

  1. Lewies, dankie vir die kommentaar op Sumari se storie. Maar is sy ‘n heldin of ‘n krimineel en moordenares? Om te wees of nie te wees nie, dit is die vraag, Lewies *S*

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s