Lewies kyk in ‘n spieël in ‘n raaisel

 

Verlede Sondag besluit ek om stuk klere of twee te gaan koop voordat die winter rêrig toeslaan. Terwyl Vroukie daar in Woollies oor die kinderklere oe en a, en meer koop as wat ons begroting eintlik toelaat, kry ek ‘n broek in ‘n sindelike bruin skakering wat lyk of hy die ding sal doen. Reg gesize ook, 34. Lyk ook nie of Vroukie jaarts van die pype sal hoef af te sny nie. Net om mooi doodseker te maak, gaan pas ek hom aan, sommer met ‘n hemperige jersie ook, wat noodsaak dat ek my hemp moet uittrek.

Toe ek nou so kaal bolyf daar staan, kry ek skielik ‘n gevoel dat daar iemand saam met my in die aantrekhokkie is. Tog onmoontlik. My oog vang die spieël. Inderdaad. Dis nie alles ek in die weerkaatsing nie. Lyk soos een of ander figuur uit ‘n cheap horror movie, Dough Man. Is daai vleis alles myne? Het die ou wat die hokkie voor my gebruik het dit nie dalk hier vergeet nie? Ek draai die kant toe en daai kant toe, Dough Man aap my bewegings sekuur na. Dit is wragtag ek! Al daai vleis in die spieël is myne! G’n wonder die broek pas nie. Uit die hokkie langsaan hoor ek ‘n mansstem lamenteer “Nee, Vrou, hy pas nie,. As ‘n man ‘n bles en ‘n boeppens het pas klere nie meer vir jou nie” Ek is darem nie die enigste ontnugterde siel in die bootjie nie.

“Kon jy nie iets kry waarvan jy hou nie?” vra Vroukie op pad na die kar.

“Hulle maak nie meer my size nie” brom ek.

“Nou wat is jou size?”

“Vier en dertig en ‘n kwart”

“ Jy weet wat om te doen. Meer gereeld gym, minder alkohol”

“Ek was verlede week in die gym, en ek het mos gesê van more af niks te drinke in die week nie.”

“ Het jy gewetensbesware om Sondag te oefen, hmm Skapie?”

“Maar jy weet mos die gym is al toe”

“Dis nie daai soort oefen wat ek in gedagte gehad het nie” Daar is ‘n twienkel in haar oë, die “daai” is liggies benadruk, haar stem is lig en swewend soos ‘n swaeltjie in vlug, soos ‘n veertije wat grond toe dwarrel.

“Jong, ons gaan dan vanmiddag by die Jansens braai”

“Ons kan mos maar ‘n bietjie laat kom”

En ons het!

30 thoughts on “Lewies kyk in ‘n spieël in ‘n raaisel”

  1. Sien julle koffie is al lankal soet.Daai winkelspieels is anyway ‘n nagmerrie.Neem op sig en pas by die huis aan.

  2. Ek pas nie ‘n damn klere in die winkels aan nie die goed laat my net warm kry en dan raak ek benoud, vat dit pas by die huis en wat nie reg is nie gaan die volgende dag terug….Lekker aand!!!!:>)))

  3. He,he Lewies jou vertelling is vrek snaaks! Briljant! 34 en ‘n kwart so die oefening het gehelp…..

  4. Goed gedaan Lewies. Hulle vertel my dit verbrand dieselfde aantal kaloriëe as by een stel trappe oploop!

  5. Dit is nou hoe mens dit doen … Ek dink ek moet ook vanmiddag gaan klere aanpas … mooi so …

  6. Hallo Robbies, ek weet nie daarvan nie, ek sal moet praktiese navorsing doen of dit wel so is!

  7. More Lewies, dankie vir die inloer. As die seerowerwoorde gehelp is ek dankbaar. Lekker dag!

  8. Vroukie is beslis baie slim. Jy het sekerlik baie vinnig van die weerkaatsings in die spieel vergeet. Sulke aantrekhokkies kan vrek ongenadig wees. Dis hoekom dit ook nie my gunstelingplekkies is nie 🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s