Die Sondagmiddag van ‘n lekker lang naweek

Ek en Vroukie sit in die tanende koelte van die stinkhoutboom, soos die herfsblare val krimp die koelte. Die sonnetjie is geniepsig. die middag loom en lui. Sy het ‘n glasie rooiwyn, die whisky flonker ou-goud in my glas. Pamela lê uitgestrek hier by ons, haar hondehuid drink die herfshitte in. Vrede heers, mal Malema, Eskom, potholes en anderlike peste tydelik vergete.

 

“Jissie Lewies, die goggas vreet my op, die miere byt my en die muggies steek my. Kom ons gaan in.”

 

“Ok Vroukie, ek is ‘n jaloerse genoot in die eg. Ek laaik ok nie as my vrou gesteek word en ek is nie betrokke nie.”

 

“Lewies!!”