Vanoggend sê Vroukie ons eet net ‘n broodjie vir brekfis, dan stiek sy my later vir koek en tee by die kwekery.
“Hoekom juis by die kwekery?” wonder ek. “Dis waar ons laas die kak diens gekry het”
“Dit was net die een keer, Lewies. Ek wil ook ‘n paar plantjies koop vir die potte waar die ander doodgeryp het”
Aaah, ek het listigheid vermoed!!
“En wie gaan dit plant? Jy weet my vinger…”
“Fok Lewies, dis nou tyd dat jy daai vinger uit jou gat trek!”
“Sjoe Vroukie!! Ok, ok, ek sal sien hoe Die Vinger hom gedra”
Vroukie antwoord nie, maar haar kyk spreek in tale.
Dit was toe wortelkoek en mokka koffie, so in die sonnetjie daar tussen die plante en die sement boemelaars en hondjies en skilpaaie en spinnekoppe. Lekker, en net een bakkie gesiggies. Ja nee, Die Vinger sal dit kan baas raak.
So met die uitstap sien ons vir Flip, die baas van die kwekery. Hy kyk agterdogtig op toe ons groet. Sy besnorde bo-lip lig in snou soos ‘n mannetjieskat wat ‘n bronstige wyfie gewaar.
Dis ‘n wonderlike wintersdag hier in die Wes-Transvaal. Selfs ou Flip is in ‘n goeie bui.
LOL
Ek het al my plantjies maar is op soek na die regte pot vir hulle. Donderdag na Musica besoek gou by kwekery aan maar die potte wat in my smaak val kom met ‘n duidelike eitiket – soek nog
Naandsê Monica!
Die tuinmakery word ‘n duur oefening, Rosiedoring.
Sewe sakke sout, Maankind!Die vinger is so te sê te ok, nog ietwat rooi en geswel, en styf, kan nie heeltemal buig nie.
As dit is hoe Flip lyk as hy in ‘n goeie bui is dan sidder ek vir die dag as hy bedonnerd raak!:-)
En hoekom swig ‘n man altyd as koek die prys is?
‘n Goeie ou siel, maar hy lyk altyd so verontwaardig.
Ons dae hier is net so heerlik.Lekker vir plantjies insit.Groete vir Flip!
Ek het nou iewers iets gemis maar wat is fout met daardie vinger van jou?
Ek sou hom graag wou sê, maar ek is lugtig vir sy reaksie!
Kyk hier vir episode een van die sage van die R23 000, 00 spinnekopbyt: http://blogs.litnet.co.za/pasella/wys-my-jou-wysvinger
Jy is nie ernstig nie!Gaan dit nou lees…
Sêlle hier in Gauteng: lieflike sonskyndag.
Ai, die winterson!
Dis nou die ding van katwees, hy sit of lê in die son en almal sê “Ag hoe oulik” As dit nou ek is sê Vroukie “Roer jou gat!”
Dis lekker om so saam met die kleinkinders iets te doen. Ek is bly SBol is aktief en fisiek besig.
Hello Lewies,Thanks so much for the visit and comment,*hugs*
Hello Hopestar, have a great week!
Hallo Elsie! Thanks for popping in!
Haai Miesies! Sien jou min deesdae. Ek gaan nou eers kyk wat vang jy aan.
Ha,ha Lewies jy is darem lekker stout en het jou vinger darem die geplantery oorleef?
ok maar net!
Ek kan nie wag om te begin plant nie. Maar die seer van als wat doodgeryp het, moet eers verby gaan.
Jy’s snaaks! Het Vinger hom gedra? En leef die gesiggies nog?
Daar was ‘n paar bitter koue nagte, mens sien eintlik nou eers die skade.
Hi Nika! Ja nee, Die Vinger was ok en die gesiggies staan penorent!
Hallo Tronkie, ja jong, ek mis daai warm voete!