So lyk Chopper, die vondelingbrakkie wat so ‘n maand of wat gelede hier by ons ‘n hawe kom soek en gevind het. Hy had ‘n ontsteking in sy een oog en was maer en vuil. Na ‘n goeie skrop, Terra Cottril salf vir die oog en voeding voorgeskryf deur ons on call veearts, is hy nou windgat kaatjie van die baan. Pamela, ons ander vondelinghond, ontgeld sy spelerige geniepsigheid behoorlik. Dis daai wit kwassie op sy stert wat hom sy naam gegee het. As hy stertswaai, flits die kwassie en die effek herinner mens nogal aan ‘n helikopter se flitsende rotorblaaie. Ons het nooit gedink ons sal eendag so ‘n kriekerige vlermuishond hê nie, maar nou is Chopper al so deel van ons huishouding dat ek rerig nie hoop sy oorspronklike baas kom vorendag nie.
Ons on call veearts is die staatsveearts wat so ‘n entjie laer af in die straat bly. Hy bedryf ook ‘n privaatpraktyk en is sover ek weet, die enigste veearts wat house calls maak, teen R70, 00!
Lewies Mymer 
Ag te dierbaar, jy is gelukkig om so veearts te he, hier by ons in Komatipoort is die veearts meer met verlof en af naweek as enigiets anders en Nelspruit se veeartse is meer as 100km weg. Moes maandag my ou Boelie honne deur iemand laat doodskiet om hom te verlos van sy seer, aangesien “madame veearts” nie beskikbaar was nie…..
abrham kriel vir pavement specials by mymerige lewies se plek in die verre weste van transvaal. dan het hy nog ‘n vet on call ook – gawe man die lewies wat soms mymer.
Lyk na ‘n wakker brakkie, Lewies.Geseend is jy wat ‘n plekkie in jou hart vind vir vondelingbrakkies.
Ag hy’s oulik!
sjoe el woon in die verkeerde dorp. Dankie vir die sorg vir ander se weggooidiere!
Pragtige woefie en seker onder die vel al ingekruip nê. Julle is gelukkig met daardie vee-arts hier waar ons is kos ‘n besoek ‘n arm en ‘n been.
ek sal graag wil weet hoe Pamela haar naam gekry het? sien die veearts mense ook? mense is ook mos soogdiere. dankie.
Lyk of sy 2e naam “Moeilikheid” kan wees
Dis ‘n mooi naam.
“Chopper.” Oulike naam.:-)
Ougat gevreetjie, die woef-kardoes! Lekker naweek.
Hou die hond as jy wil, maar die veaarts moet jy nooit laat gaan nie… nie @R70 vir ‘n huisbesoek nie!
Mooi lewies. Oujaar 2002 kom ‘n crackerverwarde with hondjie met ‘n soortgelyke lyf hier aangehardloop. Mammie troos hom en gee hom ‘n stuk wors. Spook is vandag nog deel van die gesin. Hy het net eenkeer vir ‘n maand lank gesulk toe mammie sy eiers laat uithaal het.
Dis ‘n slegte ervaring, Duiwelki, al weet mens jy doen dit uit genade.
Hehe Abrham, ek is maar ‘n sucker, ek weet!
Hi Lou, op en wakker inderdaad, ek hoop nie hy is ‘n keffer nie.
Ja hy is né, so met die een flapoor!
Hi Tina! Ek dink dit staan in hondetaal op ons hek: Hawe vir hawelose honde!
Hi Jacvan–daar is een aftjop wat hy sal moet ondergaan om sy drange in toom te hou!
Ek dink hulle is dankbaar vir ‘n kans.
Ek dink die feit dat hy ‘n ander vaste inkomste het maak dat hy genadig is met sy konsultasie fooie.
Ja nee Flenters, die vlermuisbrakkie het sy hawe goed gekies!
Ek sal jou vertel van Pamela.
ja sdie veeartse is duur deesdae. En as mens nou verantwoordelikheid vir ‘n dier geneem het moet jy maar betaal as dit nodig is.
Hy is vol streke!
Hallo Berwick! Ons het ook Vlekkie en Oortjies oorweeg!
Dis maar hoe hy lyk Annemari, so met sy spits bekkie en lang bene.
Hi Therina! Lyk my ook hy bly.
Soos klein brakkies maar is, Eavan.
Hi Thomas! Hy lyk nogal soos ‘n chopper wat opwarm as die stertjie so waai!
Iemand om hom moeg te speel!
Ja, hy is nogal oulik vir so ‘n sidewalk special optel brakkie!
Ja, kan jy glo! Amper verniet!
Shame ja, Chopper sal ook daai chop moet ondergaan as sy geite neuk!
Mammie was nie beindruk met sy gerondsaaiery in die buurt nie. Sterkte.
Dierbaar {-;Soek jy nie dalk nog ‘n vondeling nie? Ek het ‘n worshond … met ‘n skisofreniese persoonlikheid… *sug*
Oupa! Hoe tik daai vinger?
vok teen R70 sal dit seker dan voorbarig wees as hy ek hom sou vra om na my hoes ook te kyk …..
Dis oor hy van wors gemaak is!
Hy tik jong man, en hy doen ‘n paar ander goete ook!
Dis goed en wel Pruim, maar weet jy waar steek hy die koorspen in?!
Ekskuus ek kom nou hier halfpad in die gesprek aan. Oor wie se rondaaiery was Mammie bekommerd?O ja en jammer om te hoor van die eiers Ouboet.Jan stap weer aan…
Honde met eiers Jan.