Ons was vir ‘n week hier
om te sien hoe dinge hier verloop het
Ons is baie in ons noppies met die dansvloer
Dis nou die huis wat ons net mooi ‘n jaar gelede in Hermanus gekoop het. Ons het ‘n bekwame bouer in die hande gekry wat veranderinge binne aan die huis aangebring het. Onder andere was daar ‘n massiewe kaggel in hierdie vertrek wat uitgebreek is. Die beukehoutvloer is geskuur en geseël, dit lyk baie goed, kort nou net ‘n paartie, so ‘n mynerpaartie met Klipwerf en Klipdrift en langarmdans. Ons ken niemand daar nie, so alle bloggers is genooi.
So met die terugkomslag huis toe hier in Klerksdorp sê ek en Vroukie vir mekaar nou is ons reg om te trek. Ons huis hier moet nou net verkoop. Ons beplanning is om teen einde Oktober die tuig neer te lê, dan sal ek 34 diensjare hier voltooi het. My skof is verby, my graaf is blink gewerk. My gat is vol.
Sal seker maar in Desember ‘n koffie moet kom drink 😉
Nou toe nou, ek was nou net daar by jou. Natuurlik, julle is baie welkom!
Sjoe, ek weet nie so lekker van die Klipdrift nie, maar as ek my eie wyntjie mag bring is ek ook daar!
So hier op stoep kuier en tee drink vir Lewies…ietsie sterker vir daai tee dan nie
Kromhout of hardehout, to each his own!
🙂
jinne dis ‘n mooi plek!!!
Hoop julle gaan dit ongelooflik baie daar in Hermanus geniet…!
Ek kan myself sien wals oor daardie dansvloer… 😉
Dis darem iets wonderlik om na uit te sien!
Wat’s adres nou weer?Ek is bly julle planne het so mooi uitgewerk… pragtige vloer!
Lag ek heerlik vir jou slot.
Ek sien jy maak al klaar ‘n Kaapse draai daar op die mooie vloer!Lyk pragtig.Hoop julle maak gou vriende daar.
Man ek is bly ek ken n man met n plan,en dan werk die ook dan so mooi uit !!Geniet die lewe verder.Baie mooi plek en uitsig.
O, Lewies, dis so mooi en groot – ‘n aftree paleis..Jeeez julle is gelukkig!Hoop julle het die kaggel net verskuif – dis ‘n groot nodigheid in die Wes-Kaap.
Daai vloer kort nou net ‘n bietjie meel.
dis wraggies ‘n danssaal – jy gaan nog spyt wees die kaggel is weg
Sal die tee so effe tint!
Die vloer is van ‘n besondere hout, uit die dae toe dit mode was.
Ons sien baie uit daarna, enersyds die aftrede en andersyds ‘n nuwe omgewing en lewenswyse.
So regop en statig!
Deesdae is dit al waaroor ons praat.
Op die oomblik is die adres Dump Street, dis ons missie om dit te verander!
Tjok en blok vol!
Ek dink as mens afgetree is het jy tyd om aan mense te bestee.
So ver werk dinge baie voorspoedig uit, wat eers onmoontlik gelyk het word nou waar.
Die week wat ons in die Kaap was het ons te duidelik besef daar sal een of ander soort van ‘n stofie moet in. Die weer was ellendig.
Balke toe!
Die kaggel het baie ruimte in beslag geneem en het die vertrek donker gemaak–ons plan is om dit vervang met ‘n stofie, Heatwave of soortgelyk.
Lyk Lekker!
Gaan dit nog lekkerder maak! Dink net, rustig met ‘n Sci-fi boek!
onthou my aansoek om tuinjong
🙂
Is jou rug ok, kan jy buig?