‘n Insident in die Hemel en Aarde Vallei

Die pad het oop gelê, omsoom deur welige wintergroei, kronkelend deur die vallei. Voor,aan die regterkant, het ‘n klompie mense gestaan, ‘n kind tussen hulle wat begin waai. Die volgende oomblik ‘n hond wat aan die linkerkant van die pad uit die ruie plantegroei voor die kar inhardloop. Ek kan nie rem of uitswaai nie, ‘n Harde slag en in die truspieeltjie die hond wat van die skouer van die pad aftuimel. Eers sowat ‘n kilometrer verder kan ek met veiligheid omdraai. Die hond lê in die gras, sy baas streel oor haar lyf. “Ek het haar grootgemaak vandat sy ‘n puppy was, Meneer” Ek voel geen moerigheid om teen die man uit te vaar omdat hy toelaat dat ‘n hond los loop op ‘n besige pad nie. ‘n Klein seuntjie huil hartseer, snotterige traantjies die skok sigbaar op sy gesig. Vroukie vee af met tissues en vryf die kartelhaartjies. “Is die hond dood?” “Lyk so Meneer,” Daar is geen bloed of derms of getjank nie. Die hond le doodstil, langs haar kop ‘n diep sny. “Ons sal haar kom haal as ons terugkom, Meneer, en haar by die huis gaan begrawe” “Kan ek julle ‘n lift gee?” Nee, hulle beduie na ‘n werkerhuise daar naby. “Ons is op pad soontoe.” Ek krap in my beursie en gee die man R100, 00.”Ek weet dis min troos, maar koop iets lekkers vir die laaitie, dalk laat dit hom beter voel” “Dankie Meneer, Meneer moenie sleg voel nie, dit was ‘n ongeluk”.

10 thoughts on “‘n Insident in die Hemel en Aarde Vallei”

  1. Ag siestog,dis ‘n nare ondervinding.Mens se diere is soos jou kinders.Ons het ook verlede jaar ‘n hondjie doodgery.Dis aaklig,maar jy kan niks doen as dit gebeur nie.Sterkte.

  2. so jammer. Ongelukkig 9s daar niks wat mens kan doen as dier skielik voor motor inhardloop nie. Gelukkig het hy nie gely nie. Woon jy daar naby? Is jy ‘n Ovwerberger?

    1. Nog nat agter die ore Overberger, hier ingekom Februarie verlede jaar, grootliks om naby ons kinders te wees maar ook om hierdie allermooiste landstreek te geniet. Lees terug op my blog daaroor.

  3. Ai dis nou onvoorsiene omstandighede wat mens liewers ‘n mis sou wil gee. Jammer dat dit met julle moes gebeur.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s