Maak ‘n grote werklik saak? ‘n Kitseenakter in ‘n blitsbedryf.

Dramatis personae

Lewies, emeritus in die fleur van sy senior jare

Vroukie, vroukie van Lewies, emerita in die fleur van haar senior jare.

Vroukie is besig om wasgoed uit ‘n wasgoedskottel te haal en dit op te vou.

Lewies doen iets op ‘n rekenaar daar by haar.

Vroukie:  (terwyl sy ‘n rooi verbleikte onderbroek tussen haar twee hande in die lug span Daar is opmerklike groot gate in die onderbroek.Die onderbroek kan enige kleur behalwe groen wees aangesien ‘n gaterige, groen onderbroek  steurende politieke konnotasies mag h^e.)

Jinne Lewies, jou onderbroeke is vrot van die gate.Kyk net hier. Kan hierdie goed nog hulle werk doen?

Lewies (kyk effens gesteurd op maar knik dan instemmend)

Jy is reg Vroukie. Daai goed is op. Sal jy asseblief vir my ‘n six pack by Pep koop as jy dorp toe gaan, XL.

Vroukie (verbaas) Extra large? Al jou klere is dan medium. Ek kan sien jy het ‘n bietjie dik in die diff geraak maar extra large?

Lewies (effens guitig) Nee man, nie extra large nie, extra long!

Vroukie (met ‘n twienkel in haar oog) Lewies, jy sal moet uithaal en wys om my te oortuig.

Gordyn sak. Vinnig.

 

 

 

Advertisements

‘n Storie van gans ‘n ander aard

DSCF5614

Hierdie troppie kolganse het in die parkie oorkant ons huis kom wei. Die troppie bestaan uit ‘n pa en ma en elf kuikens, wat hier nou al groot is. Hulle broeiplek is op die sportterrein van die laerskool hier naby waar die kinders geleer word om hulle met rus te laat. ‘n Oulike kinkel in die storietjie is dat die kinders gesien het dat een van die kuikens kruppel loop. Meneer is toe ingelig daaroor en die vee-arts oorkant die straat het kom kyk wat die probleem is en gevind dat ‘n stukkie tou so styf om die beentjie gewoel is dat gangreen begin ontwikkel het. Die beentjie is geamputeer en met ‘n tuisgemaakte kunsbeen vervang. Iemand het die gansie aangeneem en hy kraai nou koning op ‘n plaaswerf.