Oor die wee van die liefde en knoop-in-die-derm

Die wee van die liefde is duister. Die liefde hoop alles, glo alles, verdra alles. In die euforie van die liefde word beloftes gemaak, “Ek sal alles vir jou doen.” Totdat die beloftes beproef word.

 

So sit ek en Vroukie gister daar op Kaapstadse lughawe en wag vir my tante om doer ver uit die Noorde aan te kom vir ‘n twee weke lange kuier by ons. Ons het vroeer koffie gedrink en ‘n geurige broodjie geeet en om die asem te verfris vir die soengroetslag kou ons aan ‘n kougom. Myne is later net ‘n smaaklose stuk iets in my mond. Tyd om daarvan ontslae te raak. Die naaste vullishouer staan daar doer ver. Ek oorweeg dit ernstig om die stuk kougom ongemerk onder die stoel te plak, maar nes ek my vingers in my mond het voel dit  vir my asof die leerskare wat daar in die aankomsaal sit en wag se oe op my gevestig is, so asof almal soos een  man sal opspring as ek dit sou durf waag om so van die kougom ontslae te raak en hul vingers na my wys en luidkeels uitroep “Its him ! Its him! Its the chewing gum sticker!”

Ek loer na Vroukie en sien dat haar kake bewegingloos is.  Wat het sy met die kougom gemaak? “Wat het jy met die kougom gemaak?” “Ingesluk”, antwoord sy. Nou kyk, vir kougominsluk is ek vrekbang. Kleintyd al het my ma my ernstig gewaarsku  dat dit sal lei tot knoop-in-die-derm, ‘n allevreeslikste toestand, veral as die knoop stywer getrek word. Gedagtig aan die belofte “Ek sal alles vir jou doen” vra ek dus vir Vroukie of sy myne ook sal insluk, asseblief.

Sy se niks, maar haar kyk spreek boekdele, sommer baie bladsye vol vetgedrukte skrif met baie uitroeptekens en ander skriftekens soos # en *.

Toe sluk ek maar. En tot dusver nog geen knoop-in-die-derm nie.

 

Advertisements

23 thoughts on “Oor die wee van die liefde en knoop-in-die-derm”

  1. Om iemand anders se kougom te moet sluk klink nie vir my na n goeie versoek al is dit jou eie vroutjie. Daardie geknoopte derm het ek ook van gehoor. Ek het kinders hul kouseltjies in n blik laat gooi en volgende een wat koe moes sy eie uitspoeg en n ander gekoude een vat. Nooit gebeur nie. Hul gril hul dood, en kou ook nie sommer weer in die klas nie,

  2. Kostelik soos altyd,Lewies!So dis jou kousel wat nou die dag aan manlief se knie vasgeplak het.Sy broek was so bevark,dat ons ys moes vra by die eetplek,om die taai spul af te skuur😜

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s