D-day

Aanstons klok ek in by Hermanus Mediclinc vir die prostatektomie, en more oggend vroeg is ek onder die mes. Geen opwindende vooruitsig nie, maar aan die ander kant voel ek dat die ding nou agter die rug kom, Dit bly so ‘n knaende kwelling hier in my agterkop. As alles goed gaan behoort ek weer teen Maandag ontslaan te word. Daarna le ‘n hersteltydperk van ses tot agt weke voor. So met Vroukie aan my sy, ‘n vuurtjie in die kaggelstofie, die twee werfbrakke by my voete en ‘n stapeltjie boeke byderhand behoort dit ook gou verby te wees.