Oom Jan Taks, my hero

Jis Oom Jan Taks, Oom is nou wragtag ‘n baie gawe oom. Verlede jaar hierie tyd verbly Oom my hart met ‘n gul terugbetaling van my taksgeldjies, en vanjaar oortref Oom daardie hohe standaard wat Oom gestel het! En dit terwyl Oom so uitgekryt word as ‘n oom wat ons arme belastingbetalers kaalgat uittrek. Nee kyk, ‘n profeet word nie in sy eie land geeer nie, veral nie hierie mooie land wat so besmet is met Zuma en Zupta en kroeks nie. Dankie Oom Jan Taks.Oom is my hero Oom! Ons moes juis in die week ons faktap TV vervang, en die rekening vir die nuwe een le nog virgo intacta hier op die dreskas. Nou kan ek Vidi Vox van my nek af kry. Weet ook nie vir wat neul hulle ook so oor geld nie–‘n groot gedeelte daarvan gaan tog na Oom se koffers toe. Koebaai Oom, hef ‘n naais day! O ja, en se tog groete vir die antie!

Advertisements